ჩემი ახალი სიყვარული

Tags

BBC, Benedict Cumberbatch, IMDB, Martin Freeman, Sherlock, tv show

დოდის დღეობაზე ნატოშამ გვირჩია BBC-ის სერიალი გვენახა, რომელიც ეხებოდა ყველასათვის საყვარელ დეტექტივს. და მეც, რა თქმა უნდა, სახლში მისვლისთანავე დავიწყე რიგით მე-19 (აქ არ ითველება ისინი, რომლებიც უკვე ვნახე) TV-Show-ს ყურება.

წიგნისა და მრავალი წინამორბედი ფილმისაგან განსხვავებით, მოქმედება რეალურ დროში ვითარდება. შერლოკიც გაცილებით ახალგაზრდაა, ვიდრე წარმომედგინა. მის როლს ბენედიქტ კუმბერბახი (იმედია, სწორად ვთარგმნე) ასერულებს, რომელმაც ჩემს წარმოსახვაში ყველა სხვა კოლეგას (თვით რობერტ დაუნი ჯუნიორსაც კი) აჯობა.

ორი სეზონია, თითოში სულ 3-3 სერია, მაგრამ თითო ჯერზედ სიამოვნება საათსა და ნახევარს გრძელდება.

ბევრს არ გავაგრძელებ! ეს უნდა ნახოთ. თქვენ კი ჩემს საყვარელ სცენას გიტოვებთ სერიალიდან:

მინი პოსტების სერია

Tags

მინი პოსტი, უდროობა

გადავწვიტე,
მინი პოსტების
სერია ვწერო.
ყველაფერი,
რაც თავში მომივა,
მოკლე აბზაცების,
სტატუსების,
ან Quote-ების სახით
გამოვაქვეყნო.

აი, ასე.

ჩემი საყვარელი ადამიანი

Tags

ადამიანი, თოვა, პოვნა, საყვარელი, სიყვარული, ფიფქი, შინისაკენ

ორი წლის მანძილზე დღეს პირველად დამათოვა. მოვდიოდი სახლისაკენ ამომავალ აღმართზე და ცაში ვიყურებოდი.

ფიფქები ნაზად ფარფატებდნენ მე კი მათ შევხაროდი. ზოგი ლოყაზე მადნებოდა, ზოგი – შუბლზე, რამდენიმე ნესტოშიც შემიძვრა. მაგრამ დავაკვირდი, რომ რატომღაც ისინი ჩემს ტუჩებს არ ეხებოდნენ. არც მაშინ, როცა სავარაუდო ფიფქს მიზანში ამოვიღებდი.

უკვე დანიშნულების ადგილზე მისულსა და ხელ-ჩაქნეულს ბაგებზე შემომადნა ერთი.

სიყვარულიც ასეა. როცა არ ეძებ, მაშინ პოულობ ყოველგვარი ძალისხმევის გარეშე…

მე კი ვერა და ვერ გადავეჩვიე ძებნას.

ნამდვილი ფოტოგრაფი

Tags

ფოტოგრაფია

ნამდვილმა ფოტოგრაფმა შეიძლება ადამიანს თავი მოსჭრას, მაგრამ!!!

მაგრამ ის არასოდეს მოჰკვეთს ფეხებს მის ობიექტში აღმოჩენილ მანდილოსანს!

როგორ შევამოწმო დრო და თავისუფალი ადგილი ქინდლიში

Tags

Free Space, Kindle, Time

თავდაპირველად, მენიუში შედიხართ – Setting-ებში მიუთითებთ ზუსტ დროს.

შემდგომად, კითხვისას, სანამ აღმოვაჩენდი, ისევ იქვე ვბრუნდებოდი და ვამოწმებდი, მაგრამ პროცესი მოუხერხებელი იყო.

ცოტა დრო დამჭირდა, სანამ შევამჩნევდი, რომ დროცა და დარჩენილი თავისუფალი ადგილი მენიუში შესვლისას (ხაზებიან ღილაკზე დაკლიკებისას) – ზემოთა ხაზზე, ქინდლის დატენვის დონის მაჩვენებელი მანიშნებლის გასწვრივ იხილავთ როგორც პირველს, ისე მეორეს.

წარმატებები.

ქინდლის საიდუმლო პროგრამა სურათებისათვის

Tags

როგორ ვნახო სურათები ქინდლით, Kindle, Secrete Picture Viewer

ეს პოსტი არ ეხება Kindle Fire-ს.

ალბათ, შეამჩნევდით, რომ ისე ჩაყრილ სურათებს ქინდლი არ გიხსნით. მათი და-PDF-ება კიდევ დამღლელი საქმეა.

თქვენს საყვარელ სათამაშოს აქვს დაფარული პროგრამა და მე გასწავლით, თუ როგორ უნდა გამოიყენოთ იგი.

შეუერთეთ USB კაბელით ქინდლი კომპიუტერს. დოკუმენტების ფოლდერის დონეზე შექმენით ახალი ძირი ფოლდერი – და დაარქვით “pictures”. არ ჩადოთ სურათები ამავე ფოლდერში, არამედ – შიგ კიდევ ერთი “საქაღალდე” შექმენით და იქ განათავსეთ, რაც გსურთ.

შემდგომად, ქინდლის მთავარი გვერდი დაარეფრეშეთ და Voila’.