თუ გუგლმა არაფერი იცის შენზე, ე.ი. მთლად კარგად ვერა ხარ ინტერნეტ ტექტოლოგიებში გარკვეული და არც მცირეოდენი პოპულარობით სარგებლობ. ორი სიტყვით, ადამიანთა რაღაც კატეგორიისათვის – “არ არსებობ”.
უკვე დიდი ხანია, პერიოდულად ვსერჩავ ჩემს თავს ხსენებულ საძიებო სისტემაში და რა თქმა უნდა, ყოველ ჯერზედ ინფორმაციის მოცულობა იზრდება.
ნუ, ბევრი საინტერესო რამ გავიგე. ჩემს გარდა კიდევ 3 დიანა კვარაცხელია აღმოვაჩინე. სამივე საკმაოდ ადრე.
1) მაღლივის სტუდენტი გახლდათ, რომელიც შემდგომში გაირკვა, ჩემი დაქალის კლასელი ყოფილა. გაგაცნობთ ერთმანეთსო, მაგრამ არ მომინდა, რატომღაც. ამ მეგობრის ნიუს ფიდში რომ ამოხტებოდა, რაღაცნაირი შეგრძნება მიჩნდებოდა… კიდევ კარგი, მე ქართული უნიკოდით მქონდა ჩემი სახელი დაფიქსირებული, თორემ რამდენ გაურკვევლობას გამოიწვევდა.
2) პირველად ამ ქალბატონის შესახებ ნეტით არ გამიგია. გასაუბრებაზე რომ ვიყავი იუსტიციის სამინისტროში, იქ მაცნობეს – შენ განსაკუთრებულად გელოდებოდითო. მაშინ მესამე კურსზე ვიყავი და მომავალი წლისათვის დამიბარეს, რამდენადაც, მოთხოვნებს არ ვაკმაყოფილებდი (მეოთხე კურსის სტუდენტი სურდათ) და ეს უკვე კონკურსის დასკვნით ეტაპზე მახარეს. იმის მერე კიდევ ბევრი დრო გავიდა და რეესტრში მუშაობისას კანცელარიის აქაუნთის მონაცემები მომცეს… ყველას საკუთარი სახელი და გვარი ჰქონდა. მე კიდევ ჩემი ფურცელი სახლში დამრჩა და სახელი და გვარით რომ შევედი, რაღაც სხვანაირი ინტერფეისი ამომიგდო. დოკუმენტაციის შევსებაზეც ყველაფერი არასწორად გამოვიდა. მერე სახლში ვნახე, რომ ჩემი იუზერნეიმი გახლდათ: დიანა_კვარაცხელია1 :დ და მერე მივხვდი, თუ რაში იყო საქმე…
3) მესამე კიდევ პროფესორია, არ მახსოვს რისი. ქიმია, ფიზიკა ან ბიოლოგია და უცხოეთში მოღვაწეობს.
რა თქმა უნდა, ძირითადი ინფორმაცია ჩემზეა. ვერ დავიკვეხნი ამ ინფორმაციის შინაარსზე, რამდენადაც – ძირითადად სხვადასხვა საიტზე ჩემს აქაუნთებს შხვდებით.
ეს ყველაფერი ძალიან კარგი. მაგრამ მედალს ორი მხარე აქვს. სანამ ძირითად სათქმელზე გადავიდოდე, მინდა ორიოდე სიტყვა ვთქვა გუგლ ლატიტუდზე. ეს არის გუგლ მეფსის დამატება (?), სადაც შეგიძლია დააფიქსირო შენი ამჟამინდელი ადგილმდებარეობა, დაიმატო მეგობრები და გაუზიარო მათ ინფომაცია, თუ სად იმყოფები მოცემულ მომენტში. ერთი სიტყვით, ძალიან მაგარია.
მაგრამ…
იყო დრო, როდესაც ჩემი სახელისა და გვარის დაფიქრისრებას ვერიდებოდი ნეტში. მერე გავთამამდი. ახლა ხომ საერთოდ, ლამისაა რეკლამირებაც დავიწყო…
Overexposed…
აი, პრობლემამდეც მოვედით. ვორდპრესს აქვს შესანიშნავი ფუნქცია, გსურს ისერჩებოდეს შენი საიტი, კი ბატონო? არ გსურს? გამორთავ…
იქნებ მე სულაც არ მინდა ჩემს შესახებ ინფორმაცია იყოს ყველასათვის ხელმისაწვდომი და არ მინდა მნახონ, ვარ თუ არა LinkedIn-ზე… ოდესღაც MySpace-სა და Hi5-ზე თუ ვიყავი… აღარც მახსოვს ეს Netlog- რა ჯანდაბა იყო… ხოდა, რაღა მახსოვს ახლა ამ საიტების პაროლები და Log-In-ები. იქნებ მანდ არ მქონდა დახურული პროფილები (მაშინ ჩურჩუტი ბავშვი ვიყავი) და მინდა ახლა წარსულის ცოდვების ამოტივტივება? :/
Image via CrunchBase
მოკლედ, ყველაფერი იქენთკენ მიდის, რომ სამყარო პატარავდება და მალე (თუ უკვე აღარ), ჩვენი კონტროლი სულ უფრო და უფრო მარტივი გახდება.რაც მთავარია, ჩვენ ამ ყველაფერში ლომის წვლილს შევიტანთ და ყველა ინფორმაციას თავადვე მივაწვდით “დამკვირვებლებს”.
ესაა ჩემი კომენტარი.
41.709981
44.792998
Like this:
5 bloggers like this post.
